Sauwestari-kkut tassaapput nipilersoqatigiit reggae-mik nipilersortartut, nuuteeqqamillu maajip 26-ni 2023-mi saqqummersitsilerput atserlugu ”Sauwestari”.

Sauwestari uummaarissumik erinarsornertaqarput Paaliit Berthelsen Mølgaard-imit, naggateqatigiissaartunillu nangaaffeqanngitsunik rappernertalinnik Pilutaq Lundblad-imit, tusarnaartunut peqataatitsiuminartunik, pitsaasunik, asanninnermik, ataqqinninnermik avatangiisinullu eqqummaarissunik oqariartuutilinnik. Nipilersoqatigiit pinngortitamut piuaannartitsinissamik siuarsaaqataanissamut tunniusimapput.

Nipilersoqatigiit ukuupput, nipilersortartut pikkorissut; Fabrizio Barzanti guitari qatitoorlu, Jonas Lundsgaard Nilsson tumerparpaartoq, Kristoffer Jul Reenberg aamma Gustav Lynge Petrussen pattagiaq, Titken A. Jakobsen saxofoni, tulleertullu Kimmernaq Kjeldsen, Pilu Noahsen aamma Nathan Kreutzmannilu. Ataatsimoorlutik pilersippaat nipilersorneq immikkuullarissoq nutaaliornerlu.

Nuuteeraq normunik 11-nik imaqarpoq, reggae-toqqanit nipilersornernut mutiusunut akuliullugit. Sauwestari aammattaaq tulluusimaatutigivaa Minik Hansen, nipilersukkat erinarsornertaanut taalliortoq. Nuuteeraq rappertartunik danskinik immiusseqataasoqarpoq ukuninnga: Pede B aamma Asger B, nipilersukkanut assigiinngiiaartunut peqataallutik. Nuuteeraq Pharfar-imit Danmarkimi nipilersoriaatsimik reggaemik producerini nersualaarneqarluartut ilaagisaannit mixerneqarpoq mastererneqarlunilu, nipilersukkat ersarissusaat pitsaassusissaallu isumagalugu.

Ateq ”Sauwestari” arlalinnik isumaqarpoq, oqaaseqarfigissagaannilu nipilersoriaatsip reggaeip pinngorfianut Jamaicamut attuumassuteqarluni. Nipilersoriaaseq reggae Kalaallit Nunaanni nuannarineqarluarpoq, ulluinnarni tusarsaavallaanngikkaluarluni uummammiutigineqarluni. Nipilersoqatigiit qilanaarivaat nipilersoriaatsip tigulluarneqarnissaanut sunniuteqaqataanissaminnut. Nipilersukkat suli saqqumminngitsut tusartinneqaraagata tigulluarneqartarmata.

Bolt Lamar peqatingaluguttaaq musikvideonik pikkunartunik marlunnik saqqummertoqassaaq. Videot taakkua pikkorissunik Mala Johnsenimit aamma Arny Koor Mogensenimit suliarineqarput, nipilersoqatigiit suliaat oqariartuutaalu akuliulluarlugit assinik uummaarissunik, qularnanngitsumik tusarnaartunik pikkusutsitsisussanik.

Nuuteeqqap ”Sauwestari”-p saqqummersinneqarnerani nipilersoqatigiit reggae-mut sunniuteqarluarnissaminnik piareersimapput, nipilersuusiornikkut nipilersortartunik nipilersukkanillu nuannarisalinnik tullernguuttussanik isumassarsisitsillutik, isiginnittariaatsinik nutaanik, nipinik uummaarissunik pinngortitamullu tunniusimanermut tunngasunik.

”Sauwestari” nipilersukkanik tusarnaartarfinnut angisuunut tamanut 26. maj 2023 saqqummissaaq.